Laalach ki Race | Jarurat Se jayda Chah |

Aaj Tarak Mehta ka ulta chasma dekh raha tha usme ek bahot hi acchi baat kahi gyi Hai ki ye insaan ki lalach hi hai jisne sabhi cheezo ke daam itne badha diye hai ki jise sach me jarurt wo us cheez ko paa hi nahi sakta.

Example ke liye Ghar ki hi baat le lete hai aaj kal aapne dekha hi hoga ki 1 BHK ghar kimat kis uchai ko chu rhi hai jis wajah se aam insaan ke liye use lena possible hi nahi hai. kya aapne kbhi socha hai ki unki kimate itni teji se kyu badh rhi hai or kyu ek insaan un flats ko le nahi sakta or uske ghar kharidne ka sapana sapana hi rah jata hai.

In sabki wajah bhi hum hi log hai or humara hi lalach hai jo hum jarurt se jayda chahne lagte hai. rahna hume ek hi ghar me hota hai but property ke nam pe yaha waha ghar kharidte hai or aaj kal property kharidne ki aisi race lagi hai ki insaaan ye tak bhul gya hai ki wo kya kar rha hai. Aap hi sochiye agar ek insaan 10 ghar kharid kar baith jayega toh bakiyo ko kya milega jinhe sach me ghar ki jarurt hai jo sapna dekhte hai ki humara bhi ek ghar hoga.

Manta hu ki sabko haq hai apni life hisab se jeene ka but yaaro hum har baar dushro ko kaise bhul jate hai. kyu nahi sochte ki jo hum kar rhe hai wo sach me humari jarurt hai ya yuhi show off ke naam pe ye cheeze kiye jaa rhe hai.

Example no.2 …kya jarurt hai hume ek se jayda cars lene ki ye kya koi kapda hai jise roj badlne ki jarurt pade. sauk badi cheez hai but sauk ke nam pe ye sab karna kya sahi hai dealers bhi yahi chahte hai ki unki cars ke price badhe or humari demand isi tarah rahi toh 1 lac ki cars jaldi hi 5 lac ki ban jati hai .. sayad aaj ke jamane me koi car 1lac ki hai bhi nahi. kahte hai na jarurt se jayda koi bhi cheez acchi nahi hoti hai. jab hum jarurt se jayda khana nahi khaa sakte toh sochiye hum is sab cheezo ko kaise pachayenge.  kahi na kahi ye humari life ko reflect jarur karegi

Advertisement

Delhi ka Pollution bhi iska hi ek example hai.

Simple si baat hai jb supply kam hoti hai or demand jayda to cheeze mahngi ho jati or aaj ki date me yahi ho rha hai supply kam demand jayada. agar hum apne lalach ko nahi  chhorenge toh kuch bhi nahi bachega. chahe hum lakh Tree plantation kare. ek side hum ped ugav bolte hai or dushri taraf jo ped hai unhe kaate jaa rhe hai to kya faida aise aayojan karne ka. pahle jo cheez hain humare pass unhe to bachaya jaye fir nayi ki baat ki jaye.

sach pucho to insaan sawarthi hi hota hai including me also, but yaar hum andhe to nahi ban sakte na kahi na kahi se suruaat toh karni hi hai chahe jo bhi ho hum dushro ke bare me bhi sochna hoga.

sirf donation ke naam pe kisi ki help nahi ki jaaa sakti hum actual me unki help karni padegi sach me unke liye kuch karna padega jise humari kahi jayda jarrut hai.

Dil se khushi hoti hai jab aap kisi ki help karte ho or us insan ke chehre pe jb wo smile dikhti hai na to aaaahhhhhhhhhhhha kya khushi milti hai pucho hi mat. dil ko ek alag tarah ka sukun milta hai.

Sevabhav rakho. sukun isi me hai. kahte hai na apne pariwar ka pet to koi bhi bhar leta hai chahe wo janwar hi kyu na ho but hum koi janwar nahi. janwaro me bhi feelings hoti hai but humari feelings sirf apne pariwar tak simit nahi rahni chahiye.

Mera jo topic hota hai mein aksar  usse bhatak jata hu dil me tarah tarah ki baate aati so usi pe likhta chala jata hu or galtiya bhi hoti kya karu ye meri feelings hai. hope so aap logo ki bhi apni koi feelings hogi so lets share this feelings with us and world or dushro ko bhi is feelings se jodne ki kosis kare.

 

Advertisement

Leave a Comment

Your email address will not be published. Required fields are marked *